blog image

StudyatChanakya Admin

Sep 28,2020

3:57pm

GK Uncle : Issue #12

വോഡഫോണും ഐഡിയയും ഇനി Vi

ഇന്ത്യയിലെ പ്രമുഖ ടെലികോം സേവനദാതാക്കളായ വോഡഫോൺ ഇന്ത്യയും ഐഡിയ സെല്ലുലറും 2018-ൽ ഒന്നായ വാർത്ത വായിച്ചിട്ടുണ്ടാവുമല്ലോ. അങ്ങനെയുണ്ടായ പുതിയ ബ്രാൻഡ് ഇനി മുതൽ 'വീ' (Vi) എന്ന് അറിയപ്പെടും. വോഡഫോൺ ഐഡിയ ലിമിറ്റഡ് എന്നതിന്റെ ചുരുക്കപ്പേരാണിത്. myvi.in എന്നതാണ് ഈ കമ്പനിയുടെ വെബ് വിലാസം

ഇന്ദിരാഗാന്ധി സമാധാന പുരസ്കാരം

ഇന്ത്യയുടെ മുൻ പ്രധാനമന്ത്രി ഇന്ദിരാഗാന്ധിയോടുള്ള ആദരസൂചകമായി 1986-ൽ ആരംഭിച്ചതാണ് ഇന്ദിരാഗാന്ധി സമാധാന പുരസ്കാരം. ലോകസമാധാനത്തിന് വിലപ്പെട്ട സംഭാവനകൾ നൽകിയ മഹദ് വ്യക്തികൾക്കാണ് ഈ പുരസ്കാരം നൽകുക. ലോകപ്രശസ്ത ഇംഗ്ലിഷ് നാച്വറൽ ഹിസ്റ്റോറിയൻ സർ ഡേവിഡ് അറ്റൻബറോയാണ് 2019 - ലെ ഇന്ദിരാഗാന്ധി സമാധാന പുരസ്കാരത്തിന് തിരഞ്ഞെടുക്കപ്പെട്ടത്. 'ഗാന്ധി' സിനിമയുടെ സംവിധായകൻ റിച്ചാർഡ് അറ്റൻബറോയുടെ ഇളയ സഹോദരനാണ് ഇദ്ദേഹം.

കൽപന ചൗളയുടെ പേരിൽ ബഹിരാകാശ വാഹനം

ബഹിരാകാശത്തെത്തിയ ആദ്യ ഇന്ത്യൻ വംശജയാണ് കൽപന ചൗള. നാസയിൽ ബഹിരാകാശ സഞ്ചാരിയായിരുന്ന കൽപന 2003-ലെ കൊളംബിയ ദുരന്തത്തിൽ കൊല്ലപ്പെട്ടു. ബഹിരാകാശ, പ്രതിരോധ സാങ്കേതികവിദ്യകൾ വികസിപ്പിക്കുന്ന അമേരിക്കൻ കമ്പനിയായ നോർത്രോപ് ഗ്രമ്മൻ, രാജ്യാന്തര ബഹിരാകാശനിലയത്തിനു വേണ്ടി നിർമിക്കുന്ന ബഹിരാകാശവാഹനത്തിനാണ് എസ് എസ് കൽപന ചൗള എന്നു പേര് നൽകിയിരിക്കുന്നത്.

ആദ്യ സേർച്ച് എൻജിന് 30 വയസ്സ് !

ഇന്റർനെറ്റിൽ എന്ത് കാര്യം തിരയണമെങ്കിലും നമ്മൾ സാധാരണയായി ഗൂഗിളിനെയാണ് ആശ്രയിക്കുക. നമ്മൾ നൽകുന്ന കീവേഡുമായി ബന്ധപ്പെട്ട ഏറ്റവും പ്രസക്തമായ വിവരങ്ങൾ ഇന്റർനെറ്റിൽ എവിടെയുണ്ട് എന്ന് കണ്ടെത്തി നൽകുന്ന ഒരു സേർച്ച് എൻജിനാണ് ഗൂഗിൾ. എന്നാൽ, ആദ്യത്തെ സേർച്ച് എൻജിൻ ഏതാണെന്നറിയാമോ? 1990 സെപ്റ്റംബർ 10 - ന് ഇന്റർനെറ്റ് ഉപയോക്താക്കളുടെ മുമ്പിലെത്തിയ ആർച്ചി (Archie) ആണത്. മോൺട്രിയോളിലെ മക്ഗിൽ യൂണിവേഴ്സിറ്റിയിൽ വിദ്യാർഥിയായിരുന്ന അലൻ എംടേജ് (Alan Emtage) ആണ് ഇതിന് രൂപം നൽകിയത്. ഒരു സ്കൂൾ പ്രോജക്ടിന്റെ ഭാഗമായി നിർമിച്ച ആർച്ചിക്ക് ഇന്നുള്ള സേർച്ച് എൻജിനുകളുമായി ഒരു ബന്ധവുമില്ലായിരുന്നു.

യു എസ് ഓപ്പൺ സ്വന്തമാക്കിയ ജപ്പാൻകാരി

കളിച്ച എല്ലാ ഗ്രാൻഡ് സ്ലാമും ജയിച്ച ടെന്നിസ് താരം എന്ന അപൂർവ നേട്ടത്തോടെ 2020 -ലെ യുഎസ് ഓപ്പൺ കിരീടം സ്വന്തമാക്കിയിരിക്കുകയാണ് നവോമി ഒസാക എന്ന ജപ്പാൻകാരി. 2018 - ലെ യുഎസ് ഓപ്പൺ, 2019 - ലെ ഓസ്ട്രേലിയൻ ഓപ്പൺ എന്നിവയാണ് ഇതിന് മുമ്പ് ഒസാക പൊരുതി നേടിയെടുത്തത്. മുൻ ലോക ഒന്നാം നമ്പർ താരം വിക്ടോറിയ അസാരെൻകയെയാണ് ഒസാക പരാജയപ്പെടുത്തിയത്.

Popular Blogs

രഹസ്യങ്ങൾ ഒളിപ്പിച്ച ശിലകൾ
രഹസ്യങ്ങൾ ഒളിപ്പിച്ച ശിലകൾ ബെൽജിയം–നെതർലൻഡ്സ് അതിർത്തിയിലുള്ള റോമൊന്ത്ബോസ് ക്വാറിയിൽനിന്ന് ഒരു ഭീമൻ പക്ഷിയുടെ ഫോസിൽ ഗവേഷകർ കണ്ടെത്തി. ആധുനിക കാലത്തെ പക്ഷി വിഭാഗത്തിൽപ്പെട്ടവയിലെ ഏറ്റവും പഴക്കംചെന്ന ഫോസിലായിരുന്നു അത്. എന്നുവച്ചാൽ ദിനോസറുകൾക്കൊപ്പം ഭൂമിയിലുണ്ടായിരുന്നതായിരുന്നു ഈ പക്ഷി. ഏകദേശം 6.7 കോടി വർഷം പഴക്കമുള്ളത്. റോമൊന്ത്ബോസ് പാറയിടുക്കുകൾ ഫോസിലുകളുടെ പറുദീസയാണ്. ഫോസിലുകൾ ധാരാളമായി കാണപ്പെടുന്ന ഈ പാറകളെ അവസാദശിലകൾ എന്നാണ് വിളിക്കുന്നത്. അതുപോലെ ഗൃഹ നിർമാണത്തിനുപയോഗിക്കുന്ന ഗ്രാനൈറ്റ്, മാർബിൾ തുടങ്ങിയവയും വിവിധതരത്തിലുള്ള ശിലകളാണ്. ശിലകളെക്കുറിച്ചുള്ള പഠനത്തിന് പെട്രോളജി എന്നാണ് […]
blog image

StudyatChanakya Admin

Jul 29

5:35

കരിയർ ഫ്രണ്ട് – Issue #9 : വിദ്യാര്‍ത്ഥികളുടെ അഭിരുചിക്കനുസരിച്ചുള്ള കരിയര്‍ കണ്ടെത്താന്‍ വിദ്യാ സാരഥി
വിദ്യാര്‍ത്ഥികളുടെ അഭിരുചിക്കനുസരിച്ചുള്ള കരിയര്‍ കണ്ടെത്താന്‍ വിദ്യാ സാരഥി അങ്ങനെ കൂട്ടുകാര്‍ കാത്തിരുന്ന പ്ലസ് ടു ഫലവും വന്നു. അടുത്തത് ജീവിതത്തിന്റെ മുന്നോട്ടുള്ള ഗതി നിര്‍ണ്ണയിക്കുന്ന ഉപരിപഠനമാണ്. ചില കൂട്ടുകാരൊക്കെ ഏത് കോഴ്‌സിനു ചേരണം, ഏത് കരിയറില്‍ എത്തണം എന്നൊക്കെ സ്‌കൂള്‍ കാലഘട്ടത്തില്‍ തന്നെ ആലോചിച്ച് തീരുമാനിച്ചിട്ടുണ്ടാകും. വളരെ നല്ലത്. ഇനി അങ്ങനെ കൃത്യമായ തീരുമാനങ്ങളൊന്നും എടുക്കാത്ത വിദ്യാര്‍ത്ഥികളും വിഷമിക്കേണ്ട. ഇപ്പോള്‍ ആ ചിന്ത തുടങ്ങിയാലും മതി. ജീവിത യാത്രയില്‍ വിജയിക്കാന്‍ ഏത് കോഴ്‌സ് തിരഞ്ഞെടുക്കണം എന്ന തീരുമാനം […]
blog image

Vidya Bibin

Jul 29

4:34

സസ്യലോകത്തെ സൂപ്പർസ്റ്റാറുകൾ!
സസ്യലോകത്തെ സൂപ്പർസ്റ്റാറുകൾ! നൂറു സെന്റീമീറ്ററിലധികം വ്യാസമുള്ള വമ്പൻ പുഷ്പം. അതാണ് റഫ്ലേഷ്യ. എന്നാൽ ദുർഗന്ധം കാരണം ഈ പൂവിന്റെ ഏഴയലത്ത് പോലും ചെല്ലാൻ സാധിക്കില്ല. ഇനി വേറെ ഒരു കൂട്ടരുണ്ട്. പ്രാണികളെ തിന്നുന്നതിലാണ് ആനന്ദം. കൂട്ടത്തിൽ മികച്ച കലാകാരൻമാരും ഉണ്ട്. സസ്യലോകത്തു വേറിട്ടു നിൽക്കുന്ന ഈ പുലിക്കുട്ടികളെ പരിചയപ്പെട്ടാലോ? വലുപ്പത്തിൽ റഫ്ലേഷ്യ ലോകത്തിലെ ഏറ്റവും വലിയ പുഷ്പമാണ് റഫ്ലേഷ്യ. അഞ്ച് ഇതളുകളുള്ള ഈ പൂവിന് പത്തു കിലോയോളം ഭാരമുണ്ടാകും. എത്ര വലുപ്പം ഉണ്ടെങ്കിലെന്താ. ചീഞ്ഞ മാംസത്തിന്റെ ദുർഗന്ധമാണ് […]
blog image

StudyatChanakya Admin

Jul 22

3:42