blog image

StudyatChanakya Admin

Jul 29,2020

4:39pm

Science News : Issue #2

ഒരിക്കലും ചാർജ് തീരാത്ത ബാറ്ററി

സ്മാർട്ട്ഫോൺ ഉപയോഗിക്കുന്നവരുടെ പ്രധാന തലവേദനയാണ് വേഗം ചാർജ് തീർന്നുപോകുന്ന ബാറ്ററി. എത്രമാത്രം ശേഷിയുള്ള ബാറ്ററിയാണെങ്കിലും ആളുകളുടെ വർധിച്ചുവരുന്ന ഫോൺ ഉപയോഗത്തിന് അതൊന്നും മതിയാകാത്ത സ്ഥിതിയാണ്. ഈ സമയത്ത് ആരെങ്കിലും ഒരിക്കലും ചാർജ് തീരാത്ത ഒരു ബാറ്ററി കണ്ടുപിടിച്ചാലോ? കഥയല്ല, സംഗതി സത്യമാകാൻ പോകുകയാണ്! ഇംഗ്ലണ്ടിലെ ബ്രിസ്റ്റോൾ സർവകലാശാലയിലെ ഗവേഷകനായ ടോം സ്കോട്ടും സംഘവുമാണ് ഇത്തരമൊരു അദ്ഭുത ബാറ്ററി നിർമിക്കുന്നത്. റേഡിയോആക്റ്റീവ് കാർബൺ - 14 ഉള്ള മനുഷ്യനിർമിത വജ്രം (Diamond) ഉപയോഗിച്ചാണ് ഈ ബാറ്ററി നിർമിക്കുന്നത്. റേഡിയോ ആക്റ്റീവ് ഐസോടോപ്പിൽ നടക്കുന്ന രാസപ്രവർത്തനം മൂലം വൈദ്യുതി ഉൽപാദിപ്പിക്കുന്ന ഈ ബാറ്ററികൾക്ക് ആയിരക്കണക്കിന് വർഷങ്ങളോളം ചാർജ് തീരാതെ നിൽക്കാനാവും! ഈ ബാറ്ററിയിൽ ഉപയോഗിക്കാൻ ആണവോർജ നിലയങ്ങളിലെ മാലിന്യങ്ങളിൽ നിന്ന് കാർബൺ 14 വേർതിരിച്ചെടുക്കുന്നതിലൂടെ അപകടകാരിയായ ഈ മാലിന്യം നിർമാർജനം ചെയ്യാൻ ഫലപ്രദമായ ഒരു വഴി കൂടി ലഭിക്കും എന്നാണ് ഗവേഷകർ പറയുന്നത്.

കാർബണിനെ കല്ലുകളാക്കി അന്തരീക്ഷം ശുദ്ധമാക്കാം!

അന്തരീക്ഷത്തിലെ കാർബൺ മലിനീകരണം പരിസ്ഥിതിക്കും ജീവജാലങ്ങൾക്കും ഉണ്ടാക്കുന്ന പ്രശ്നങ്ങളെക്കുറിച്ച് വായിച്ചിട്ടില്ലേ? വണ്ടികൾ ഓടുമ്പോഴും കാട്ടുതീ ഉണ്ടാകുമ്പോഴും മുതൽ നമ്മൾ ശ്വസിക്കുമ്പോൾ വരെ അന്തരീക്ഷത്തിലെ കാർബണിന്റെ അളവ് വർധിക്കുകയാണ്. പരമ്പരാഗത രീതികൾ അന്തരീക്ഷത്തിലെ കാർബൺ കുറയ്ക്കാൻ ഫലപ്രദമാകാതെ വരുന്ന കാലത്ത് സ്വിസ് കമ്പനിയായ ക്ലൈംവർക്സ് (Climeworks) വികസിപ്പിച്ച വിദ്യയാണ് ശ്രദ്ധേയമാകുന്നത്. അന്തരീക്ഷത്തിലെത്തുന്ന കാർബൺ ഡയോക്സൈഡ് കലർന്ന വായു യന്ത്രസഹായത്തോടെ വലിച്ചെടുത്ത് അതിലെ കാർബൺ മാത്രം നീക്കം ചെയ്ത് മണ്ണിനടിയിലേക്ക് വിടുന്നു. ബാക്കി വരുന്ന ശുദ്ധവായു അന്തരീക്ഷത്തിലേക്ക് തിരിച്ചു നൽകും. മണ്ണിനടിയിൽ വച്ച് ബസാൾട്ട് പാറകളുമായി പ്രവർത്തിച്ച് ഈ കാർബൺ കുറച്ചു വർഷം കൊണ്ട് പാറക്കല്ലുകളായി മാറും! ഐസ് ലൻഡിലെ ഒരു സജീവ അഗ്നിപർവതത്തിന് സമീപം വിജയകരമായി ഈ വിദ്യ പരീക്ഷിച്ചിരുന്നു. ഡയറക്റ്റ് എയർ കാപ്ചർ ടെക്നോളജി (DAC) എന്നാണ് ഇതിന്റെ പേര്. ഈ വിദ്യ ഉപയോഗിച്ച് പല മേഖലകളിലെ കാർബൺ പുറന്തള്ളൽ നിയന്ത്രിക്കാനും മലിനീകരണം കുറയ്ക്കാനുമുള്ള ശ്രമങ്ങളിലാണ് ക്ലൈംവർക്സ്.

Popular Blogs

രഹസ്യങ്ങൾ ഒളിപ്പിച്ച ശിലകൾ
രഹസ്യങ്ങൾ ഒളിപ്പിച്ച ശിലകൾ ബെൽജിയം–നെതർലൻഡ്സ് അതിർത്തിയിലുള്ള റോമൊന്ത്ബോസ് ക്വാറിയിൽനിന്ന് ഒരു ഭീമൻ പക്ഷിയുടെ ഫോസിൽ ഗവേഷകർ കണ്ടെത്തി. ആധുനിക കാലത്തെ പക്ഷി വിഭാഗത്തിൽപ്പെട്ടവയിലെ ഏറ്റവും പഴക്കംചെന്ന ഫോസിലായിരുന്നു അത്. എന്നുവച്ചാൽ ദിനോസറുകൾക്കൊപ്പം ഭൂമിയിലുണ്ടായിരുന്നതായിരുന്നു ഈ പക്ഷി. ഏകദേശം 6.7 കോടി വർഷം പഴക്കമുള്ളത്. റോമൊന്ത്ബോസ് പാറയിടുക്കുകൾ ഫോസിലുകളുടെ പറുദീസയാണ്. ഫോസിലുകൾ ധാരാളമായി കാണപ്പെടുന്ന ഈ പാറകളെ അവസാദശിലകൾ എന്നാണ് വിളിക്കുന്നത്. അതുപോലെ ഗൃഹ നിർമാണത്തിനുപയോഗിക്കുന്ന ഗ്രാനൈറ്റ്, മാർബിൾ തുടങ്ങിയവയും വിവിധതരത്തിലുള്ള ശിലകളാണ്. ശിലകളെക്കുറിച്ചുള്ള പഠനത്തിന് പെട്രോളജി എന്നാണ് […]
blog image

StudyatChanakya Admin

Jul 29

5:35

കരിയർ ഫ്രണ്ട് – Issue #9 : വിദ്യാര്‍ത്ഥികളുടെ അഭിരുചിക്കനുസരിച്ചുള്ള കരിയര്‍ കണ്ടെത്താന്‍ വിദ്യാ സാരഥി
വിദ്യാര്‍ത്ഥികളുടെ അഭിരുചിക്കനുസരിച്ചുള്ള കരിയര്‍ കണ്ടെത്താന്‍ വിദ്യാ സാരഥി അങ്ങനെ കൂട്ടുകാര്‍ കാത്തിരുന്ന പ്ലസ് ടു ഫലവും വന്നു. അടുത്തത് ജീവിതത്തിന്റെ മുന്നോട്ടുള്ള ഗതി നിര്‍ണ്ണയിക്കുന്ന ഉപരിപഠനമാണ്. ചില കൂട്ടുകാരൊക്കെ ഏത് കോഴ്‌സിനു ചേരണം, ഏത് കരിയറില്‍ എത്തണം എന്നൊക്കെ സ്‌കൂള്‍ കാലഘട്ടത്തില്‍ തന്നെ ആലോചിച്ച് തീരുമാനിച്ചിട്ടുണ്ടാകും. വളരെ നല്ലത്. ഇനി അങ്ങനെ കൃത്യമായ തീരുമാനങ്ങളൊന്നും എടുക്കാത്ത വിദ്യാര്‍ത്ഥികളും വിഷമിക്കേണ്ട. ഇപ്പോള്‍ ആ ചിന്ത തുടങ്ങിയാലും മതി. ജീവിത യാത്രയില്‍ വിജയിക്കാന്‍ ഏത് കോഴ്‌സ് തിരഞ്ഞെടുക്കണം എന്ന തീരുമാനം […]
blog image

Vidya Bibin

Jul 29

4:34

സസ്യലോകത്തെ സൂപ്പർസ്റ്റാറുകൾ!
സസ്യലോകത്തെ സൂപ്പർസ്റ്റാറുകൾ! നൂറു സെന്റീമീറ്ററിലധികം വ്യാസമുള്ള വമ്പൻ പുഷ്പം. അതാണ് റഫ്ലേഷ്യ. എന്നാൽ ദുർഗന്ധം കാരണം ഈ പൂവിന്റെ ഏഴയലത്ത് പോലും ചെല്ലാൻ സാധിക്കില്ല. ഇനി വേറെ ഒരു കൂട്ടരുണ്ട്. പ്രാണികളെ തിന്നുന്നതിലാണ് ആനന്ദം. കൂട്ടത്തിൽ മികച്ച കലാകാരൻമാരും ഉണ്ട്. സസ്യലോകത്തു വേറിട്ടു നിൽക്കുന്ന ഈ പുലിക്കുട്ടികളെ പരിചയപ്പെട്ടാലോ? വലുപ്പത്തിൽ റഫ്ലേഷ്യ ലോകത്തിലെ ഏറ്റവും വലിയ പുഷ്പമാണ് റഫ്ലേഷ്യ. അഞ്ച് ഇതളുകളുള്ള ഈ പൂവിന് പത്തു കിലോയോളം ഭാരമുണ്ടാകും. എത്ര വലുപ്പം ഉണ്ടെങ്കിലെന്താ. ചീഞ്ഞ മാംസത്തിന്റെ ദുർഗന്ധമാണ് […]
blog image

StudyatChanakya Admin

Jul 22

3:42